كشف اللاعب محمود كهربا من خلال قنوات أون تايم سبورت عن مدي إنتمائه للقلعة الحمرا قائلا"أنا ادفع فلوس والبس فانله الاهلي".
وحكي اللاعب واحده من المواقف السيئة التي جمعته بمرتضي منصر "مرتضى منصور لقيته بيقولي بقولك ايه ياعم كهربا مش عايز اشوف الحركات اللي بتعملهالي وتتجن لما حد يشتمك بابوك ولا بأمك مش عايز اشوف بقى حركاتك دي ، قلتله بعد اذنك الكلام دا يتشال في المونتاج عشان مينفعش ابويا وامي يشوفوا الكلام دا ، قالي انت بتكلمني كدة ازاي وقامت المشكلة".
وأردف "انا اكتر لاعب كنت بتشتم من جمهور الزمالك وانا بلعب في الزمالك ، نبقى كسبانين واحد وانا اللي جايب الجول يخش فينا التعادل ألاقيهم بيشتموني انا ، انا كان عندي مشكلة مع مرتضى منصور لما يلاقي الكاميرا ويجمعنا مبيوجهش كلام غير ليا انا ، لكن لو دخلت عليه لوحدي مثلا ممكن يعملي اي حاجة انا عايزها".
أما عن احترافف في البرتغال و انضمامه للنادي الأهلي فقال "انا لما طلعت على البرتغال كنت رايح بيراميدز ، بس انا كنت مستني الاهلي والاهلي كلمني فعلا ، وانا ساعتها قلتلهم ادوني اسبوع عشان لو الاهلي كلمني هروح ، والفلوس كانت اضعاف اضعاف اللي باخده مع الاهلي ، انت ممكن تدفع فلوس عشان تلبس تيشرت الاهلي".
وختم كلامه قائلا "فايلر هو اللي طلب يتعاقد معايا .. قبل كورونا مكنش بيلاعبني سألته هو أنا عملت حاجة طيب جد قالك حاجة عليا .. بعد الكورونا كل حاجة اتغيرت ولعبت أساسي.